SOLOMON MKUBWA: Nilipoteza Mkono Wangu Baada Ya Kurogwa Na Mama Wa Kambo

“Nikiwa na miaka 12, nilipata matatizo ya uvimbe kwa mkono wangu wa kushoto. Uvimbe huo ulikuwa wa ajabu sana na hakuna aliyefahamu chanzo kilikuwa ni nini? Niliugua kwa muda wa miaka mitatu. Wazazi wangu walihangaika kunipeleka kwa wataalam wa hospitali mbalimbali na hata kwa wanganga wa kienyeji bila mafanikio, na baada ya muda huo kupita ilianzishwa hospitali moja na wazungu karibu na nyumbani kwetu, na Baada ya muda nilipelekwa kwenye hospitali ya wazungu iliyoanzishwa karibu na nyumbani kwetu na hapo pia wataalam wa hapo walishindwa na kushauri nikatwe mkono kwa lengo la kunusuru uhai wangu. Hivyo ndivyo nilivyopoteza mkono wangu” alisikika akisema Solomoni Mukubwa mmoja wa waimbaji maarufu wa muziki wa Injili Afrika Ya Mashariki na Kati kutoka Jamhuri ya Kidemokrasia ya Kongo (DRC)

Solomoni aliendelea kusema kuwa hakuna mtu aliyejua kuwa uvimbe huo umetokana na nini lakini hapo baadae ilidhihirika wazi kuwa mama yake wa kambo ndie aliyemroga na kumsababishia tatizo hilo kwani baadae alikuja kukiri na kueleza ukweli.

Solomoni, ambae kwa sasa masikani yake yapo jiji la Nairobi nchini Kenya alisema kuwa, wimbo wake wa Mfalme wa amani aliutunga ili kumtukuza Mungu baada ya kumuepusha na kifo ambacho kingempata baada ya mama yake wa kambo kumroga na kusababisha mkono wake kuvimba na alitibiwa na madaktari bingwa bila mafanikio na alipoenda kwa waganga wa kienyeji hakupona.

“Wimbo wangu wa Mfalme wa amani niliamua kuuimba baada kuvuka katika shida hizo na albamu yangu kuipa jina la Mungu mwenye nguvu, na kuna maneno niliweka kwenye kibao hicho kwamba; ukiwa na shida usiende kwa waganga wa dunia, mwite mfalme wa amani, yeye anajibu maombi’ alisema Solomoni Mukubwa

“Baada ya kupona mkono wangu, mama yangu wa kambo alikiri kunifanyia kitendo hicho, lakini mimi nilipookoka nilimsamehe, baada ya muda mfupi naye aliokoka kutokana na pigo kali alilopata mwanaye kwa kuumia jicho alipokuwa anachezea chelewa kwenye moto ambalo liliruka na kuharibu kabisa jicho lake.

Solomoni Mukubwa ana albamu mbili ambazo ni “Sijaona Rafiki” na “Mungu Mwenye Nguvu”

Kutokana na taarifa hii, tumekuwa tukipokea simu nyingi sana kutoka sehem mbali mbali wakihitaji namba ya simu ya solomon kwajili ya huduma, hivyo tumeona ni vyema tuiweke hapa hiyo namba yake.

Wasiliana na solomon mkubwa kwa simu namba: +254726158434

Kama usipompata wasiliana nasi (NHM) tutakusaidia kumpata: newhopeministrytanzania@gmail.com