TULIKOTOKA

Tulikotoka ni ukurasa mpya ambao utakuwa unazungumzia maisha ya watumishi wa Mungu katika Utumishi wao, Jinsi walivyoitwa na kuanza Utumishi hadi hapa walipo leo. Leo tutammurika mtumishi wa Mungu Askofu Moses Kulola.
Moses alikuwa ni Engineer wa ujenzi ambapo Mungu alimwita na kulazimika kuachana na mambo ya ujenzi na kuanza kumtumikia Mungu. Moses aliacha kazi na kwenda mlimani kufunga na kusali kwa muda wa siku kadhaa, alipokuwa akiondoka nyumbani kwake alimuaga mkewe akamwambia kama nisiporudi basi ujue nimekufa. huko mlimani alijaribiwa na Ibirisi ambapo usiku wa manane aliona watu wakiwa wamevaa mavazi meusi akawauliza “Nyinyi ni akina nani?” wakamuuliza na wewe ni nani? akasema mimi ni mtumishi wa Mungu aliye hai. mara wale watu wakaenda zao. Mvua zilimnyeshea Moses, baridi nalo lilimpiga, usiku wa manane akiwa amebeba Biblia yake kwapani amenyeshewa mvua baridi linampiga anatetemeka, kalala juu ya mwamba mara akashituka na kuona yuko chini ya uvungu wa Mnyama mkubwa sana, Moses akamkemea yule mnyama kwa Jina la Yesu na mnyama yule akaenda zake. Ilipofika muda flani Usiku alisikia Sauti ikimwita kwa jina “MOSES” na hii sauti haikuwa ya mwanamke wala mwanaume sauti ile ikasema kwake “Tazama nimekufanya kuwa mtumishi wangu ukaniletee kondoo” Sauti hii ilikuwa ni ya Mungu Mwenyewe. Ndipo sasa Moses alipotoka mlimani na kurudi nyumbani kwake na baada ya hapo alianza kuhubiri habari za yesu na ishara na Miujiza zikaambatana naye, Moses akawa Moses aliitikisa Africa sana. Hapakuwa na mtu aliyeitikisa Africa kipindi hicho kama Moses Kulola. Bwana asimuache mtumishi huyu katika nyakati zake hizi za mwisho. Kusema kweli hesabu ya Siku za mtumishi huyu kuwa naye kwa sasa si nyingi tena, maana hata yeye alishawahi kutangaza katika kongamano moja lililofanyika 2005 kama sikosei akasema akizitazama siku zake zimebaki kidogo. Bwana amshike mkono mtumishi wake katika Jina la YEsu. Amen